39
صوبہ خیبر پختونخوا میں نیا نظام متعارف کرا دیا گیا ہے اس نئے نظام کا اطلاق گریڈ 11 سے 19 تک کے سرکاری افسران پر ہوگا۔ خیبر پختونخوا میں سرکاری افسران کے تبادلوں اور تقرریوں کے لیے نیا نظام متعارف کرایا گیا ہے اور اسٹیبلشمنٹ ڈیپارٹمنٹ نے اس سلسلے میں ایک کمیٹی قائم کر دی ہے۔ اسٹیبلشمنٹ ڈیپارٹمنٹ کے جاری اعلامیہ کے مطابق سیکریٹری اسٹیبلشمنٹ کی سربراہ میں پانچ رکنی کمیٹی تشکیل دی گئی ہے جس میں دیگر اہم افسران بھی شامل ہیں۔ گریڈ 11 سے ا9 تک کے افسران کی تقرریوں اور تبادلوں کے تمام معاملات اس کمیٹی کے سپرد کر دیے ہیں۔ اعلامیے میں کہا گیا ہے کہ اب صوبے میں افسران کے تقرر اور تبادلے کی سفارشات منظوری کیلیے متعلقہ کمیٹی کو بھیجی جائیں گی اور اس کی منظوری کے بعد ہی اس پر عمل کیا جائے گا۔
