پاراچنار پریس کلب کے باہر راستوں کی بندش کیخلاف شہریوں کا احتجاجی دھرنا 10ویں روز بھی جاری

راستوں کی بندش کیخلاف پاراچنار میں دھرنا 10ویں روز میں داخل ہو گیا، اس دوران دھرنا شرکاء نے پریس کلب سے ڈی ایچ کیو ہسپتال تک احتجاجی ریلی بھی نکالی۔ پاراچنار پریس کلب کے باہر راستوں کی بندش کیخلاف شہریوں کا احتجاجی دھرنا 10ویں روز بھی جاری ہے۔ دھرنا شرکاء نے پریس کلب سے ڈی ایچ کیو ہسپتال تک احتجاجی ریلی بھی نکالی، جس میں کثیر تعداد میں شہری شریک ہوئے۔ دھرنا منتظمین نے کہا کہ ریلی کا مقصد گزشتہ پانچ ماہ کی روڈ بندش کی وجہ سے تکالیف کا شکار مریضوں سے اظہار یک جہتی کرنا یے، علاج کی سہولیات نہ ملنے اور بروقت رسائی نہ ہونے سے بچوں سمیت سینکڑوں مریض جاں بحق ہوئے ہیں۔ دھرنا شرکاء کا کہنا تھا کہ شہریوں نے اس دوران آمد و رفت کے راستے کھولنے اور بدامنی سے متاثرہ خاندانوں کو امدادی پیکج دینے کا مطالبہ بھی کیا۔ بدامنی کے دوران علاج نہ ملنے کے باعث جان بحق ہونے والے بچوں سمیت متاثرہ سینکڑوں افراد کے خاندانوں کو شہید پیکج دیا جائے۔ عمائدین کا خطاب کرتے ہوئے مزید کہنا تھا کہ آمد و رفت کے راستے کھولنے اور محفوظ بنانے تک دھرنا جاری رکھا جائے گا۔ یاد رہے کہ راستوں کی بندش کیخلاف پاراچنار میں دھرنا 10ویں روز میں داخل ہو گیا، اس دوران دھرنا شرکاء نے پریس کلب سے ڈی ایچ کیو ہسپتال تک احتجاجی ریلی بھی نکالی۔