ضلع بنوں میں گاڑی پر فائرنگ سے پی ڈی ایم اے کے افسر سمیت 2 افراد زخمی ہوئے ہیں۔یہ واقعہ بنوں کے علاقے ڈومیل کاشو پل کے قریب پیش آیا، جہاں گاڑی پر فائرنگ سے 2 افراد زخمی ہوئے۔ اس سلسلے میں پولیس نے تفتیش شروع کر دی ہے۔ پولیس ذرائع کے مطابق زخمی ہونے والوں میں پروونشل ڈیزاسٹر مینجمنٹ اتھارٹی (پی ڈی ایم اے) کے افسر عدنان علی شاہ بھی شامل ہیں۔ پی ڈی ایم اے افسر کرک سے بنوں آ رہے تھے کہ ان کی گاڑی پر فائرنگ کر دی گئی۔زخمیوں کو علاج معالجہ کیلئے سپتال منتقل کر دیا گیا ہے جبکہ ملزمان کی گرفتاری کیلئے علاقے میں سرچ آپریشن جاری ہے۔
